# Wheelock's Latin, 6th edition
# Wheelock Chapter 11

TR 1 .. CICERO DENOUNCES CATILINE IN THE SENATE &
Quid facis, Catilina?

TR 2 .. Quid cogitas?

TR 3 .. Sentimus magna vitia insidiasque tuas.

TR 4 .. O tempora!

TR 5 .. O mores! 

TR 6 .. Senatus haec intellegit, consul videt.

TR 7 .. Hic tamen vivit.

TR 8 .. Vivit?

TR 9 .. Etiam in senatum venit:  etiam nunc consilia agere audet;
oculis designat ad mortem nos! 

TR 10 .. Et nos, boni viri, nihil facimus!

TR 11 .. Ad mortem te, Catilina, consul et senatus ducere debent.

TR 12 .. Consilium habemus et agere debemus: si nunc non agimus,
nos, nos -- aperte dico -- erramus!

TR 13 .. Fuge nunc, Catilina, et duc tecum amicos tuos.

TR 14 .. Nobiscum remanere non potes; non te, non istos, non
consilia vestra tolerabo!

GM 1 .. ULYSSES AND THE CYCLOPS &
Post bellum Troianum venit Ulixes cum XII viris
ad terram Cyclopum.  

GM 2 .. In caverna bonum caseum inveniunt. 

GM 3 .. Dum eum edunt, Cyclops Polyphemus in eandem 
cavernam magnas oves ducit et Graecos videt: "Quid vos facitis in mea
caverna? 

GM 4 ..  Poenas dabitis, si mala consilia in animo habetis." 

GM 5 .. "Troia navigamus," Ulixes ei dicit. 

GM 6 .. "Quid tu nobis dabis?" 

GM 7 .. Polyphemus autem exclamat: "Stulte! 

GM 8 .. Quid vos, tu tuique cari, mihi dabitis?" 

GM 9 .. Sine mora paucos viros capit editque!  

GM 10 .. Tum rogat, "Quid tibi nomen est?" 

GM 11 .. Ulixes respondet, "Nemo." 

GM 12 .. Dum somnus Polyphemum superat, Graeci insidias faciunt. 

GM 13 .. Tignum in flamma acuunt et in oculum istius mittunt. 

GM 14 .. O miser Polypheme! 

GM 15 .. Tibi non bene est. 

GM 16 .. Alii Cyclopes veniunt, sed verum periculum non sentiunt.

GM 17 .. "Nemo me necat!" Polyphemus vocat. 

GM 18 .. "Bene!"  ii dicunt.  

GM 19 .. "Vale!" 

GM 20 .. Graeci igitur ex caverna fugere possunt. 

GM 21 .. Caecus Cyclops haec verba audit: "Vale!  

GM 22 .. Ego non Nemo, sed Ulixes sum!"