# Wheelock's Latin, 6th edition
# Wheelock Chapter 21

TR 1 .. VIRGIL'S MESSIANIC ECLOGUE &
Venit iam magna aetas nova: de caelo mittitur puer, qui vitam deorum
habebit deosque videbit et ipse videbitur ab illis.

TR 2 .. Hic puer reget mundum cui virtutes patris pacem dederunt.

TR 3 .. Pauca mala, autem, remanebunt, quae homines iubebunt 
laborare atque bellum asperum gerere.

TR 4 .. Erunt etiam altera bella atque iterum ad Troiam magnus
mittetur Achilles.  

TR 5 .. Tum, puer, ubi iam longa aetas te virum fecerit, erunt
nulli labores, nulla bella; nautae ex navibus discedent, agricolae
quoque iam agros relinquent, terra ipsa omnibus hominibus omnia
parabit.  

TR 6 .. Currite, aetates; incipe, parve puer, scire matrem, et erit
satis spiritus mihi tua dicere facta.

GM 1 .. THE GOLDEN AGE RETURNS &
Nunc aetas magna atque nova incipit. 

GM 2 .. Puer nascitur ac gens aurea venit. 

GM 3 .. Mundus gravi metu liberabitur. 

GM 4 .. Ille puer deorum vitam accipiet deosque videbit, et ipse
videbitur ab illis. 

GM 5 .. Mundum reget antiquis virtutibus. 

GM 6 .. Simul atque laudes et facta parentis legere et
virtutem scire poterit, agri beati dulces fructus
omnibus hominibus parabunt. 

GM 7 .. Remanebunt tamen pauca scelera quae homines temptare 
mare navibus, quae homines cingere urbes muris iubebunt. 

GM 8 .. Erunt etiam altera bella, atque iterum Troiam magnus 
mittetur Achilles. 

GM 9 .. Ubi autem hunc puerum virum fecerit fortis aetas, 
maria relinquentur a vectoribus, nec nautae pecuniae causa merces
mutabunt. 

GM 10 .. Robustus agricola tauros iugo liberabit; non rastris 
tangetur humus; omnis terra omnia feret.