# Wheelock's Latin, 6th edition
# Wheelock Chapter 22

TR 1 .. A VISIT FROM THE YOUNG INTERNS &
Languebam: sed tu comitatus protinus ad me &
venisti centum, Symmache, discipulis. &
Centum me tetigere manus aquilone gelatae: &
non habui febrem, Symmache, nunc habeo!

TR 2 .. ON AMBITION AND LITERATURE, BOTH LATIN AND GREEK &
Poetae per litteras hominibus magnam perpetuamque famam dare
possunt; multi viri, igitur, litteras de suis rebus scribi
cupiunt.  

TR 3 .. Trahimur omnes studio laudis et multi gloria ducuntur,
quae aut in litteris Graecis aut Latinis inveniri potest.

TR 4 .. Qui, autem, videt multum fructum gloriae in versibus Latinis
sed non in Graecis, nimium errat, quod litterae Graecae leguntur in
omnibus fere gentibus, sed Latinae in finibus suis continentur.

GM 1 .. CICERO REPORTS HIS VICTORY OVER CATILINE &
Rem publicam, o cives, vitam omnium vestrum, bona, fortunas, 
domum senatus atque hanc pulchram urbem hoc die laboribus, 
consiliis, periculis meis ex igne atque ferro eripui. 

GM 2 .. Nunc, o cives, quoniam malos duces mali belli captos iam 
tenetis, cogitare debetis de bona spe vestra. 

GM 3 .. Catilina ex urbe media expulsus est. 

GM 4 .. Erat ille qui timebatur ab omnibus, tam diu dum urbis 
moenibus continebatur. 

GM 5 .. Nunc ille homo tam acer, tam audax, tam in scelere vigilans, 
tam in malis rebus diligens, sublatus est. 

GM 6 .. Quamquam haec omnia, o cives, sunt a me administrata, 
videntur tamen imperio atque consilio deorum immortalium et gesta et
provisa esse. 

GM 7 .. Nam multis temporibus di immortales spem fidemque huius 
rei publicae aluerunt. 

GM 8 .. Hoc autem tempore praeclarissimas eis gratias agere debetis. 

GM 9 .. Erepti enim estis ex crudelissima ac misera morte, erepti
(estis) sine caede, sine sanguine, sine exercitu.

GM 10 .. Memoria vestra, o cives, nostrae res alentur; laus,
fama, gloriaque valebunt; litteris vivent remanebuntque. 

GM 11 .. In perpetua pace esse possumus, o cives.