# Wheelock's Latin, 6th edition
# Wheelock Chapter 23

TR 1 .. LAOCOON SPEAKS OUT AGAINST THE TROJAN HORSE &
Oppressi bello longo et a deis aversi, duces Graecorum, iam post
decem annos, magnum equum ligneum arte Minervae faciunt.

TR 2 .. Uterum multis militibus complent, equum in litore relinquunt,
et ultra insulam proximam navigant.

TR 3 .. Troiani nullas copias aut naves vident; omnis Troia gaudet;
panduntur portae.  

TR 4 .. De equo, autem, Troiani sunt incerti.

TR 5 .. Alii eum in urbem duci cupiunt; alii eum Graecas insidias
appellant.

TR 6 .. Primus ibi ante omnes, de arce currens, Laocoon, sacerdos
Troianus, haec verba dicit:  "O miseri cives, non estis sani!

TR 7 .. Quid cogitatis?

TR 8 .. Nonne intellegitis Graecos et insidias eorum?

TR 9 .. Aut invenietis in isto equo multos milites acres, aut equus
est machina belli, facta contra nos, ventura in urbem, visura casas
nostras et populum.

TR 10 .. Aut aliquid latet.

TR 11 .. Equo ne credite, Troiani: quidquid id est, timeo Danaos
et dona gerentes!"  

TR 12 .. Dixit, et potentem hastam magnis viribus manus sinistrae
in uterum equi iecit; stetit illa, tremens.

GM 1 .. WATCHING THE ORATOR AT WORK & 
Nunc surgit magnus orator, causam dicturus: omnis locus in 
subselliis occupatur; plenum est tribunal; iudices omnia illius
verba audire cupientes silentium significant. 

GM 2 .. Oculi omnium ad illum vertuntur.  

GM 3 .. Tum multae admirationes, multae laudes. 

GM 4 .. Orator animos audientium tangit.  

GM 5 .. Ubi cupit eos metu aut misericordia moveri, metu aut 
misericordia oppressi terrentur aut flent.

GM 6 .. De oratore, etiam si tu non adsidens et attente audiens, 
sed uno aspectu et praeteriens eum aspexeris, saepe iudicare 
poteris. 

GM 7 .. Videbis iudicem oscitantem, loquentem cum altero, non 
numquam etiam errantem, mittentem ad horas, verba ab oratore dicta
neglegentem. 

GM 8 .. Haec causa caret vero oratore, qui potest animos iudicum 
movere oratione. 

GM 9 .. Si autem erectos iudices videris, qui de re doceri 
videbuntur aut suspensi tenebuntur, ut cantu aliquo aves, 
cognosces signa veri oratoris et laborem oratorium bene gerentis.