# Wheelock's Latin, 6th edition
# Wheelock Chapter 25

TR 1 .. THE DEATH OF LAOCOON -- AND TROY &
Hic alius magnus timor (O fabula misera!) animos caecos nostros terret.

TR 2 .. Laocoon, sacerdos Neptuni fortuna factus, acrem taurum ad aram
in litore mactabat.

TR 3 .. Tum gemini serpentes potentes, mare prementes, ab insula ad
litora currunt.

TR 4 .. Iamque agros tenebant et, oculis igne ardentibus, ora linguis
sibilis lambebant.

TR 5 .. Nos omnes fugimus; illi via certa Laocoonta filiosque eius 
petunt.

TR 6 .. Primum parva corpora duorum puerorum capiunt et lacerant 
necantque devorantque.

TR 7 .. Tum patrem fortem, ad filios miseros currentem, rapiunt et
magnis spiris tenent et superant.

TR 8 .. Nec se a vulneribus defendere nec fugere potest, et ipse,
ut taurus saucius ad aram, clamores horrendos ad caelum tollit.

TR 9 .. Eodem tempore serpentes fugiunt, petuntque perfugium in
arce Minervae acris.

TR 10 .. Quod Laocoon in equum Minervae hastam iecerat, nos putavimus
eum erravisse et poenas dedisse; veritatem acerbam nescivimus.

TR 11 .. Portas patefacimus et admittimus istum equum in urbem; atque
pueri puellaeque -- O patria, O di magni, O Troia! -- eum tangere 
gaudent.  

TR 12 .. Et quoque gaudemus nos miseri, quibus ille dies fuit ultimus
ac quibus numquam erit ullum solacium.