# Wheelock's Latin, 6th edition
# Wheelock Chapter 25

GM 1 .. THE CHARACTER OF CATILINE'S FOLLOWERS &
Sed cur tam diu de uno hoste (Catilina) dicimus, et de eo hoste 
qui iam dicit se esse hostem, et quem, quod murus interest, non
timeo: de his, qui in media urbe, qui nobiscum sunt, nihil dicimus?

GM 2 .. Exponam enim vobis, o cives, genera hominum ex quibus istae
copiae parantur. 

GM 3 .. Unum genus est eorum qui magno in aere alieno magnas etiam 
possessiones habent, quarum amore adducti dissolvi nullo modo possunt.

GM 4 .. Sed hos homines non puto timendos (esse), quod deduci de sententia 
(sua) possunt.

GM 5 .. Alterum genus est eorum qui, quamquam premuntur aere
alieno, imperium tamen exspectant atque honores quos,
re publica perturbata, consequi se posse putant. 

GM 6 .. Quibus hoc non sperandum est. 

GM 7 .. Nam illis hoc intellegendum est: primum omnium me ipsum 
vigilare, adesse, providere rei publicae; deinde magnos animos esse
in bonis viris, magnam concordiam ordinum, maximam multitudinem, 
magnas militum copias; deos denique immortales huic invicto populo,
claro imperio, pulchrae urbi contra tantam vim sceleris auxilium esse
daturos. 

GM 8 .. Num illi in cinere urbis et in sanguine civium se consules aut
dictatores aut etiam reges sperant futuros (esse)?