# Wheelock's Latin, 6th edition
# Wheelock Chapter 31

TR 1 .. GIVE ME A THOUSAND KISSES! &
Vivamus, mea Lesbia, atque amemus, &
rumoresque senum severiorum &
omnes unius aestimemus assis! &
Soles occidere et redire possunt; &
nobis cum semel occidit brevis lux, &
nox est perpetua una dormienda. &
Da mi basia mille, deinde centum; &
dein mille altera, dein secunda centum; &
deinde usque altera mille, deinde centum. &
Dein, cum milia multa fecerimus -- &
conturbabimus illa, ne sciamus, &
aut ne quis malus invidere possit, &
cum tantum sciat esse basiorum. &

TR 2 .. RINGO &
Senos Charinus omnibus digitis gerit &
nec nocte ponit anulos &
nec cum lavatur.  Causa quae sit quaeritis? &
Dactyliothecam non habet!

TR 3 .. FACETIAE &
Cum Cicero apud Damasippum cenaret et ille, mediocri vino in mensa
posito, diceret, "Bibe hoc Falernum; hoc est vinum quadraginta annorum,"
Cicero respondit, "Bene aetatem fert!"

TR 4 .. Augustus, cum quidam ridiculus ei libellum trepide adferret,
et modo proferret manum et modo retraheret, "Putas," inquit, "te assem
elephanto dare?"