# Wheelock's Latin, 6th edition
# Wheelock Chapter 32

TR 1 .. THE CHARACTER OF CIMON &
Cimon celeriter ad summos honores pervenit.

TR 2 .. Habebat enim satis eloquentiae, summam liberalitatem, magnam
scientiam legum et rei militaris, quod cum patre a puero in 
exercitibus fuerat.

TR 3 .. Itaque hic populum urbanum in sua potestate facillime tenuit
et apud exercitum valuit plurimum auctoritate.

TR 4 .. Cum ille occidisset, Athenienses de eo diu doluerunt; non
solum in bello, autem, sed etiam in pace eum graviter desideraverunt.

TR 5 .. Fuit enim vir tantae liberalitatis ut, cum multos hortos 
haberet, numquam in his custodias poneret; nam hortos liberrime 
patere voluit ne populus ab his fructibus prohiberetur.

TR 6 .. Saepe autem, cum aliquem minus bene vestitum videret, ei
suum amiculum dedit.

TR 7 .. Multos locupletavit; multos pauperes vivos iuvit atque 
mortuos suo sumptu extulit.  

TR 8 .. Sic minime mirum est si, propter mores Cimonis, vita eius
fuit secura et mors eius fuit omnibus tam acerba quam mors cuiusdam
ex familia.

TR 9 .. A VACATION -- FROM YOU! &
Quid mihi reddat ager quaeris, Line, Nomentanus? &
Hoc mihi reddit ager: te, Line, non video!

TR 10 .. PLEASE -- DON'T! &
Nil recitas et vis, Mamerce, poeta videri. &
Quidquid vis esto, dummodo nil recites!

GM 1 .. VIRGIL PRAISES THE RUSTIC LIFE &
O nimium fortunatos agricolas, quibus facilem victum divitissima 
terra volens fundit!  

GM 2 .. Otium iucundum, agri longe patentes, speluncae vivique lacus,
mugitusque boum dulcesque sub arbore somni ab eis non absunt. 

GM 3 .. Inter eos iura et leges diutius manent; scelera prohibentur. 

GM 4 .. Vivit feliciter qui ratione potuit causas rerum cognoscere 
atque luce scientiae metus omnes et pessimas curas ex sua mente 
expulit.  

GM 5 .. Neque bella acria illum terrent, neque saevi exercitus, neque
cetera pericula quae saepissime homines timent. 

GM 6 .. Divitias et honores ille non tam fortiter amat,
ut velit beneficia vitae rusticae amittere. 

GM 7 .. Cum pauper sit, tamen ille sibi videtur par regibus, cum filii 
parvi illius ad eum celeriter accurrunt et cara oscula liberrime 
offerunt. 

GM 8 .. Huic di immortales, fideliter culti, pacem perpetuam dant. 

GM 9 .. Vitam similiter beatam quondam egerunt Romulus et Remus.