# Wheelock's Latin, 6th edition
# Wheelock Chapter 35

GM 1 .. A CONVERSATION FROM ROMAN COMEDY &
MENEDEMUS: Filium unum adulescentem habeo. 

GM 2 .. Ah, cur dixi me habere? 

GM 3 .. Immo habui, Chreme; nunc utrum habeam necne incertum est.

GM 4 .. CHREMES: Cur?

GM 5 .. MENEDEMUS: Scies. 

GM 6 .. Puellam pauperem ille nimis amare coeperat. 

GM 7 .. Illum semper admonebam: "Debes, mi fili, studere divitiis 
et honoribus, non falsis ludis amoris. 

GM 8 .. Ego, cum eram istud aetatis, praemia et gloriam in
exercitu inveni." 

GM 9 .. Nunc Clinia cum militibus in Asiam discessit, ut regi 
serviat et mihi placeat.

GM 10 .. CHREMES: Quid ais?

GM 11 .. MENEDEMUS: Utinam ne ei persuasissem!  

GM 12 .. Meo filio, quem adiuvare debebam, gravissime nocui!  

GM 13 .. Mihi ignoscere non possum. 

GM 14 .. Itaque, dum Clinia propter me multa mala patitur, 
poenas ipse etiam dabo, in agro laborans, opibus parcens, 
illi absenti serviens.

GM 15 .. CHREMES: Ego arbitror te non adverso in filium tuum
ingenio esse et illum quidem velle tibi parere. 

GM 16 .. Sed nec tu illum satis noveras, nec te ille. 

GM 17 .. Tu illum numquam ostendisti quanti penderes, nec tibi 
ille est ausus credere. 

GM 18 .. Sed spero illum tibi salvum adfuturum esse. 

GM 19 .. Tibi parce, Menedeme!  

GM 20 .. Absens filius te hoc facere vult.

GM 21 .. MENEDEMUS: Tu non debes mirari, si laborare potius desidero.

GM 22 .. CHREMES: Si ita vis, bene vale!

GM 23 .. MENEDEMUS: Et tu!