# Wheelock's Latin, 6th edition
# Wheelock Chapter 40

GM 1 .. HANNIBAL AND THE ROMANS FIGHT TO A DRAW &
Exercitum Hannibalis transeuntem Appenninum impediebat ferox tempestas:
magnus imber vento mixtus oppugnabat capita militum, qui verebantur 
ut tantam vim frigoris ferre possent.  

GM 2 .. Duos dies eo loco sicut obsessi manserunt.

GM 3 .. Multi homines mortui sunt, multa animalia: etiam perierunt 
septem elephanti ex iis qui semper adhuc superaverant.  

GM 4 .. Degressus Appennino Hannibal ad Placentiam castra movit et 
decem milia passuum progressus consedit. 

GM 5 .. Postero die duodecim milia peditum, quinque equitum contra 
hostem ducit; nec Sempronius consul fugit proelium.

GM 6 .. Atque eo die tria milia passuum inter duo castra fuerunt; 
postero die magnis animis pugnaverunt.  

GM 7 .. Primo vis Romanorum ita superior fuit ut non solum vincerent, 
sed pulsos hostes in castra sequerentur et castra oppugnarent. 

GM 8 ..  Iam nona diei hora erat, cum Romanus dux, cum nulla spes 
esset capiendorum castrorum, militibus imperavit ut omnino se 
reciperent.  

GM 9 .. Hoc ubi Hannibal accepit, extemplo, equitibus emissis, 
in hostem ipse cum peditibus e mediis castris erupit.  

GM 10 .. Acriter pugnatum est, sed nox proelium diremit.  

GM 11 .. Ab utraque parte sescenti pedites et trecenti equites
ceciderunt; sed maior Romanis iactura fuit, quod equestris ordinis 
tot viri et tribuni militum quinque et praefecti sociorum
tres sunt interfecti.