# Wheelock's Latin, 6th edition
# Wheelock Chapter 24

TR 1 .. DE CUPIDITATE [Horace] &
Homo stultus, "O cives, cives," inquit, "pecunia ante omnia quaerenda
est; virtus et probitas post pecuniam."

TR 2 .. DE CUPIDITATE [Cicero] &
Pecuniae autem cupiditas fugienda est. 

TR 3 .. Fugienda etiam est cupiditas gloriae; eripit enim libertatem. 

TR 4 .. Neque imperia semper petenda sunt neque semper accipienda sunt.

TR 5 .. DE CUPIDITATE [Phaedrus] &
Hercules, in caelum propter virtutem receptus, deos salutavit; sed
Pluto veniente, qui est filius Fortunae, Hercules oculos avertit.

TR 6 .. Tum, causa quaesita, "Iste," inquit, "spernendus est quod
lucri causa omnia corrumpit."

TR 7 .. THE SATIRIST'S MODUS OPERANDI &
Ridens saturas meas percurram, et cur non?  

TR 8 .. Quid vetat me ridentem dicere verum, ut pueris educandis
saepe dant crustula magistri?  

TR 9 .. Quaero res graves iucundo ludo et, nominibus fictis, de 
multis culpis vitiisque narro.

TR 10 .. Sed quid rides?

TR 11 .. Mutato nomine, de te fabula narratur!

GM 1 .. CAESAR'S CAMP IS ATTACKED BY BELGIANS &
Caesar, equitatu praemisso, sex legiones ducebat; post eas totius
exercitus impedimenta collocaverat; equites nostri, flumine transito,
cum hostium equitatu proelium commiserunt. 

GM 2 .. Illi identidem in silvas ad suos se recipiebant ac rursus 
ex silva in nostros impetum faciebant. 

GM 3 .. Nostri tantum ad finem silvae insequi eos audebant. 

GM 4 .. Interim legiones sex, ubi primum venerunt, armis depositis,
castra munire coeperunt. 

GM 5 .. Ubi prima impedimenta nostri exercitus ab eis qui in silvis
latebant visa sunt, omnibus cum copiis provolaverunt impetumque 
in nostros equites fecerunt. 

GM 6 .. Equitibus facile pulsis, incredibili celeritate ad flumen 
cucurrerunt. 

GM 7 .. Itaque uno tempore et ad silvas et in flumine et in manibus 
nostris hostes videbantur. 

GM 8 .. Eadem celeritate ad nostra castra atque eos qui in labore 
occupati erant cucurrerunt.
 
GM 9 .. Caesari omnia uno tempore erant agenda: vexillum ponendum,
signum tuba dandum, quod eos iussit arma tollere;
a labore revocandi milites; acies paranda.

GM 10 .. Quarum rerum magnam partem brevitas temporis et hostium 
adventus impediebat. 

GM 11 .. Itaque duces, propter propinquitatem et celeritatem hostium, 
Caesaris imperium non exspectabant, sed per se ea quae videbantur 
faciebant.